කොළඹ විශ්ව විද්‍යාලයීය 'ගණිත හා තාරකා විද්‍යා සංගමය' මගින් තෙවන වරට සංවිධානය කරනු ලැබූ 'Star Quest 2010' සමස්ත ලංකා තාරකා විද්‍යා දැනුම මිනුම තරගාවලිය අද දින ඉතා සාර්ථක ලෙස පැවැත්විණි.

මේ සදහා දිවයිනේ නන් දෙසින් විවිධ පාසල් නියෝජනය කරමින් කන්ඩායම් 25 පමණ සහභාගී විය. තරගය මූලික වශයෙන් කොටස් තුනකින් යුක්ත විය. එනම් මූලික වටය(Preliminary round), අර්ධ අවසන් පූර්ව වටය සහ අවසන් වටය ලෙසිනි. පූර්ව වටය සදහා සිසුන්ට ප්‍රශ්ණ පත්‍රයකට මුහුණ දීමට සිදු වූ අතර එය රචනා හා බහුවරණ යන කොටස් දෙකකින් සමන්විත විණි.  ඉන් අනතුරුව අර්ධ අවසන් පූර්ව වටය සදහා පාසල් 4ක් තෝරා ගැණුනි. ඒවා පිළිවෙලින් පහත පරිදි වේ.

1. කොළඹ ආනන්ද විද්‍යාලය
2. දේවිබාලිකා විද්‍යාලය
3. කඳාන ඩි මෙසනඩ් විද්‍යාලය
4. සිරිමාවෝ බන්ඩාරනායක විද්‍යාලය

මෙම වටයේදී අදාල කන්ඩායම් වෙත වාචිකව ප්‍රශ්ණ යොමු වූ අතර එහි ලකුණු තත්වය අනුව අවසන් වටය සදහා පාසල් දෙකක් තොරා ගැණුනි. අවසන් වටය සදහා පැමිණි පාසල් පහත පරිදි වේ.
1. කොළඹ ආනන්ද විද්‍යාලය

2. සිරිමාවෝ බන්ඩාරනායක විද්‍යාලය

මේ අනුව අවසානයේ 'Star Quest 2010' සමස්ත ලංකා තාරකා විද්‍යා දැනුම මිනුම තරගාවලියේ  ශූරතාවය දිනා ගනු ලැබුවේ සිරිමාවෝ බන්ඩාරනායක විද්‍යාලයයි.

තරගය පැවැත්වෙන අතරතුර

ආචාර්‍ය්ය චන්දන ජයරත්න මහතා ජයග්‍රාහකයන්ට සහතිකපත් බෙදා දෙමින්...

ජයග්‍රාහී කන්ඩායම