කොළඹ ආනන්ද විද්‍යාලයේ ආනන්දීය තාරකාවිද්‍යා සංගමය සහ මහනුවර මහාමායා බාලිකා විද්‍යාලයේ තාරකාවිද්‍යා සංගමය එකමුතුව හත්වන වරටත් සංවිධානය කරනු ලැබූ තාරකා සාදය 2010 නිරීක්ෂණ තාරකාවිද්‍යා දැනුම මිණුම තරඟය සහ වැඩමුළුව පසුගිය 16වන දින පෙරවරුවේ සාර්ථකව අවසන් විය.

දිවයින පුරා පාසල් තාරකාවිද්‍යා සංගම් 25කට අධික සංඛ්‍යාවක් නියෝජනය කළ මෙවර තරඟය සූර්යයා නිරීක්ෂණය, චන්ද්‍ර නිරීක්ෂණය, බ්‍රහස්පති නිරීක්ෂණය, ගැඹුරු අහස නිරීක්ෂණය, තරුරටා නිරීක්ෂණය යන අංශ වලින් යුත් වාචික ප්‍රශ්ණ, දත්ත විශ්ලේෂණය කිරීම් ආදී වට වලින් සමන්විත ය.

මෙහිදී වැඩිම ලකුණු ලබාගත් කණ්ඩායමට තාරකා සාදය කුසලානය ද එක් එක් වටවලින් වැඩිම ලකුණු ලබාගත් කණ්ඩායම් සඳහා කුසලාන ද පිරිනැමිණි. තවද වැඩමුළුව අවසානයේදී ලබාදුන් ප්‍රශ්ණ පත්‍රයෙන් වැඩිම ලකුණු ලබාගත් පාසලට "නැගී එන තාරකා සංගමයට" හිමි සම්මානයද පිරිනැමිණි.

මෙවර තරඟයෙන් වැඩිම ලකුණු ප්‍රමාණයක් ලබාගනිමින් කොළඹ නාලන්දා විද්‍යාලය තාරකා සාදය 2010 කුසලානය ලබාගත් අතර නැගීඑන තාරකා විද්‍යා සංගමයට හිමි සම්මානය මහනුවර උසස් බාලිකා විද්‍යාල කණ්ඩායම ලබාගත්තේ ය. තාරකා සාදය 2010 දෙවන ස්ථානය කොළඹ ඉසිපතන විද්‍යාලය සහ තෙවන ස්ථානය මහනුවර ශා. සිල්වෙස්ටර් විද්‍යාල කණ්ඩායමට හිමි විය.

එක් එක් තරඟ අංශයන්ගෙන් දස්කම් දක්වා අනෙක් කුසලාන හිමිකරගත් පාසල් මෙසේ ය.

චන්ද්‍රයා සහ ග්‍රහලෝක නිරීක්ෂණය - ඩි මෙස්නඩ් විද්‍යාලය, කඳාන
ගැඹුරු අහස සහ තරුරටා නිරීක්ෂණය - ඉසිපතන විද්‍යාලය, කොළඹ
න්‍යායික ප්‍රශණ වටය - ශා. සිල්වෙස්ටර් විද්‍යාලය, මහනුවර
වාචික සහ ප්‍රායෝගික - ඉසිපතන විද්‍යාලය, කොළඹ
ස්පොට් සහ දත්ත විශ්ලේෂණය - නාලන්දා විද්‍යාලය, කොළඹ

ජයග්‍රාහක නාලන්දා කණ්ඩායම