පසුගිය වසරේ ඉතා හොඳ ප්‍රථිපල දැක්වූ ජෙමිනිඩ්ස් උල්කාපාත වර්ෂාව මෙවරද දෙසැම්බර් 13 සහ 14 දිනවල උච්චතම අවස්ථාවන් පෙන්නුම් කරනු ඇත.

ජෙමිනි හෙවත් මිථුන රාශිය පසුබිම් කරගනිමින් දර්ශණය වන මෙම උල්කාපාත වර්ශාවට පදනම් වන්නේ 3200 Phaethon නම් වස්තුව යි. හිරු බැසගිය පසු නැගෙනහිරින් උදාවන මිථුන රාශිය පසුදින පහන් වන තුරුම අහසේ දර්ශණය වේ. මේ නිසා වැඩි කාලයක් උල්කා නිරීක්ෂණය කිරීම සඳහා අවස්ථාව ලැබේ. තවද ‍පසුගිය දිනවල වර්ෂාපතනය නිසා ඉහල අහසේ ධූලි අංශු ප්‍රමාණය අඩු වීමට ඉඩ ඇති අතර ඉන් පැහැදිලි අහසක් ඇති විය හැකිය. නමුත් ‍තවමත් පවතිම වැසි තත්වය නිසා මඳ වළාකුළු ඇති වීමට ඉඩ ඇත. ඔබ මෙය නිරීක්ෂණය කරන්නේ නම් රාත්‍රී 12න් පසු කාලය තුලදී වඩාත් හොඳ ප්‍රතිථල ලබාගත හැකි ය.

රාශි සහ තරු හඳුනාගැනීමට තරු සිතියම් භාවිතා කරන්න.