මේ දවස් වල අහසේ දකින්න ලැබෙන අමුත්තෙක් ගැන කියන්නයි මේ සූදානම.

මේ වල්ගාතරුවක් හැබයි මේ මීට කලින් කියපු එලෙනින් එහෙම නම් නෙමේ.මෙයාගේ නම ගැරඩ්. හරියටම කියුවොත් C/2009 P1 Garred .

සාමන්‍ය දෙනෙතියක් ඔබ සතු නම් මෙය ඉතමත් පහසුවෙන්ම බලන්න පුළුවන්.ඒ වගේම මේ වල්ගාතරුව තියෙන්නෙ අහසේ ලෙහෙසියෙන් හඳුනාගන්න පුළුවන් ස්ථානයකයි.මුලින්ම අඳුරු එළිමහනකට යන්න.මේ වනවිට ගැරඩ්, +8ක පමණ දීප්තතාවයකින් ගිම්හාන ත්‍රිකෝනයේ නැගෙනහිර සීමාව ආසන්නයෙන් දැකගන්න පුළුවන්.ඔබ නාගරික, ආලෝක දූෂනය සහිත ප්‍රදේශයක ජීවත් වුවත් ගිම්හාන ත්‍රිකෝණයේ මේ දීප්තිමත් තරු තුන පහසුවෙන් හඳුනා ගත හැකියි.

රාත්‍රී 11 ට පමණ අහසේ මුදුනේ (7 ට පමණ නැගෙනහිර අහසේ) දක්නට ලැබෙන ගිම්හාන ත්‍රිකෝනයේ ඩෙනබ් තාරකාව සිග්නස් තාරකා රාශියේ අහසේ උතුරු දෙසට වන්නටද ලයිරා තාර්කා රාශියේ වේගා තරුව බටහිරට වන්නටද ඇක්විලා තාරකා රාශියේ ඇල්ටයර් තරුව අහසේ දකුණු දෙසෙට වන්නටද දැක ගන්නට පුළුවන්.

ඔබ කල යුත්තේ දළ වශයෙන් ඇල්ටයර් සහ ඩෙනබ් යා කරන රේඛාව මැද ප්‍රදේශය ආසන්නයට දෙනෙතිය යොමු කර කුඩා ලොම් බෝලයක් වැනි වස්තුවක් සොයාගැනීමයි.එය තම්යි ගැරඩ්! ඔබට දුරේක්ශයක් තිබෙනවනම් එහි වලිගයෙහි ආරම්භය පවා නිරීක්ශනය කල හැකියි.

බාකෙට් නිරීක්ෂනාගරය විසින් නිකුත් කල වල්ගාතරුවේ මේ වීඩියෝවත් බලන්න.

Universe Today ඇසුරිනි...