මේදිනවල රාත්‍රී 8.30න් පසු අහසේ නැගෙනහිර දෙසින් බ්‍රහස්පති ග්‍රහයා  නිරික්ෂණයට හැකිවන අතර කාලයත් සමඟ බ්‍රහස්පති ග්‍රහයා අහසේ ඉහලට ගමන් කරනු ඇත.රාත්‍රී 9.00 පමණ වන විට අතීත ග්‍රීක විශ්වාස වලට අනුව එන පයිසීස් නම් රැහැනකින් එකට බැඳ ඇති  මත්සයන් දෙදෙනාගේ තරු රටාව දකුණු පස අහසේ ඉහල පෙදෙසේ පිහිටා ඇති තරු වැලෙන් දිස්වනු ඇත.

මේ දිනවල සූර්යයා බැසයාමත් සමඟම රාත්‍රි අහසේ මනස්කාන්ත දර්ශණයක් වන ක්ෂීරපථ මන්දාකිණියේ පර්සියස් බාහුව පසුබිම්කරගත් තාරකා රාශියක් දැකගැනීමට හැකියාව ඇත.ඔබට පැහැදිලි අහසක් දිස්වේනම් දෙනෙතියක් ආධාරයෙන් තරු පොකුරු හා නිහාරිකා රැසක් නීරීක්ෂණයට හැකිවේ. මෙය පස්වරු 11:00 පමණ වනතුරු දර්ශණයවේ.